xitay her ikki terepke qoral satmaydighanliqini éytti
xitay tashqi ishlar ministiri wang ikki yildin buyan bir-biri bilen urushuwatqan ukraina bilen rusiyege qoral-yaragh satmaydighanliqini ilgiri sürdi.
türkiye awazi radiyosi xewiri: xitay tashqi ishlar ministirliqi bayanat élan qilip, wang yining 60-nöwetlik miyunxén xewpsizlik yighini (MSC 2024) gha qatnashliqini bildürdi.
bayanatta qeyt qilinishiche, wang yi yighin dairiside, ukraina tashqi ishlar ministri dmitro kuléba bilen körüshüp, xelqara weziyetning qandaq özgirishidin qetiynezer, xitayning ukraina bilen bolghan munasiwetlirini «normal shekilde» tereqqiy qildurushni xalaydighanliqini eskertken.
u: «xitay toqunush rayonlirigha yaki toqunushuwatqan tereplerge qoral-yaragh satmaydu» dégen.
xitay ministiri yighinda qilghan sözide bolsa, xitayning ukraina kirizisini peyda qilghan dölet emeslikini we uningda terep tutmighan dölet ikenlikini, emma yüz bériwatqanlargha jimjit qarap turmighanliqini we kirizistin payda élishqa urunmighanliqini tekitlidi.
gerche xitay ukraina kirizisida bitereplikini tekitlewatqan bolsimu, urush sewebidin moskwani eyibleshtin özini qachurushi we bu jeryanda rusiye bilen bolghan istratégiyelik shériklik munasiwitini chongqurlashturushi, amérika we gherb döletlirining endishelirini keltürüp chiqarghan idi.
amérika xitayning rusiyeni qoral-yaragh we oq-dora bilen teminlishi üstide oylishiwatqanliqini bildürgen idi.
yawropa ittipaqimu béyjing hökümitidin rusiyege herbiy we puqralar ortaq ishlitidighan mehsulatlarning éksportini kontrol qilishni telep qilghan idi.
yawropa ittipaqi komitéti aldinqi hepte xitaydiki üch shirketke rusiyege herbiy we puqralar ortaq ishlitidighan mehsulatlarni éksport qilghanliqi sewebidin jaza yürgüzüshni otturigha qoyghan, emma wéngiriyening qarshi awaz bérishi bilen ret qilinghan idi.
