biraziliye pirézidénti israiliyening ghezzediki irqiy qirghinchiliqini gitlérning qilmishigha oxshatti
biraziliye pirézidénti luyiz inakiyo lula da silwa: «ghezzediki pelestinliklerning béshigha kelgen ishlar tarixning héchbir dewride yüz bérip baqmidi. yüz berdi déyishke toghra kelse, gitlér yehudiylarni öltürüshni qarar qilghanda yüz berdi» dédi.
türkiye awazi radiyosi xewiri: afriqa birleshmisi bashliqlar yighinigha qatnishish üchün éfiyopiyening paytexti eddis ebibege yétip barghan biraziliye pirézidénti lula da silwa israiliyening ghezze rayonigha qilghan hujumliri heqqide bayanat élan qildi.
lula da silwa: «ghezze rayonida yüz bériwatqan ishlar urush emes, u bir irqiy qirghinchiliqtur. bu eskerlerning eskerlerge qarshi élip bériwatqan urushi emes. bu bir toluq teyyarliq qilghan armiye bilen ayallar we kichik balilar otturisidiki urushtur» dédi.
lula da silwa israiliyening ghezze rayonigha qilghan hujumlirining (holokost) chong qirghinchiliq bilen oxshash ikenlikini eskertip: «ghezzediki pelestinliklerning béshigha kelgen ishlar tarixning héchbir dewride yüz bérip baqmidi, yüz berdi déyishke toghra kelse, gitlér yehudiylarni öltürüshni qarar qilghanda yüz berdi» dédi.
israiliyening 7 - öktebir (2023) din buyan ghezze rayonigha qilghan hujumlirida , kem dégende 12 ming 660 kichik bala we 8 ming 570 ayalni qoshqanda, jemiy 28 ming 985 pelestinlik jénidin ayrildi, 68 ming 883 peltestinlik yarilandi.
مۇناسىۋەتلىك خەۋەرلەر
seudi erebistan 6 iran muxbirini chégradin qoghlap chiqardi
sseudi erebistan iran dölet téléwiziyesining 6 muxbirini chégradin qoghlap chiqardi.
