rusiye-amérika söhbetlirining meghlup bolghanliqi ilgiri sürüldi
amérika rusiye pirézidénti wiladimir putinning ukrainadiki toqunushni tonglitishqa élip baridighan urush toxtitish teklipini ret qildi.
türkiye awazi radiyosi xewiri: réytér xewer agéntliqining rusiye menbelirini asas qilghan xewiride körsitilishiche, ikki dölet otturisidiki wasitilik söhbetler meghlup bolghan bolup, bu mezkur ikki yadro döliti otturisida zor pikir oxshimasliqining barliqidin dérek béridiken.
shuning bilen bir waqitta, réytér agéntliqining washingtondiki menbesi, rusiye bilen resmiy yaki biresmiy alaqe ornitilmighanliqini, washingtonning kiyéw qatnashturulmay turup, qetiy söhbetleshmeydighanliqini otturigha qoyghan.
xewerge qarighanda, rusiye ottura sherqtiki ereb shériklirini öz ichige alghan oxshimighan terepler arqiliq, ukrainadiki ishghal qilinghan yerlerning kontrolluqining rusiyede qélishi sherti astida, urush toxtitishqa teyyar ikenlikini bildürgen.
ismini ashkarilashni xalimaydighan bir rusiye emeldari: «amérikaliqlar bilen ornitilghan alaqe héchqandaq netijige érishelmidi» dégen, yene bir menbe, söhbetlerning meghlup bolushining amérikaning ukraina terep qatnashmay turup, söhbet ötküzmeydighanliqi qarishida ching turuwélishini arqa körünüsh qilidighanliqini ilgiri sürgen.
söhbetlerdin xewerdar üchinchi bir menbe: «amérikaliqlar bilen bolghan söhbetlerning bimenilik bilen axirlashqanliqi»ni bildürgen.
kirémil sariyi, aqsaray, amérika tashqi ishlar ministirliqi we merkizi istixbarat idarisi — CIA qatarliq resmiy organlar bu heqte héchqandaq ipade bildürmigen.
