rusiye yawropa ittipaqigha tehdit sélishni kéchiktürmidi
rusiye tashqi ishlar ministirliqi bayanatchisi mariya zaxarowa gherbning rusiyening mal-mülüklirini musadire qilishigha «qattiq inkas qayturidighanliqliri» ni we gherbni «oghri» dep qaraydighanliqlirini bildürdi.
türkiye awazi radiyosi xewiri: rusiye tashqi ishlar ministirliqi bayanatchisi mariya zaxarowa yawropa ittipaqining tonglitip qoyulghan rusiye mal-mülükliridin qolgha keltürülgen kirimdin ukraina üchün paydilinish qarari üstide toxtilip: «<gherbning qilghini oghriliq> we <özining bolmighan mal-mülükni igidarchiliqigha ötküzüwélish>» dédi.
u rusiyening gherbning hazirqi ehwaldin qandaq paydilanghanliqini körgenlikini, shunga buninggha qayturulidighan jawabning qattiq bolidighanliqini eskertti.
u gherbning ukrainagha qilghan yardemlirining ornini toldurush üchün rusiyening mal-mülüklirini igidarchiliqigha ötküzüwalmaqchi bolghanliqini qeyt qildi.
bu jeryanda, amérika tashqi ishlar ministirliqi bayanatchisi mattéw millér kündilik muxbirlarni kütüwélish yighinida, yawropa ittipaqining rusiye mal-mülükliridin ukraina üchün paydilinish qararini qollaydighanliqlirini, shérik döletler bilen buninggha yene qandaq qoshumche tedbirlerni yolgha qoyushning mumkinliki üstide dawamliq muzakire ötküzidighanliqlirini bildürdi.
u mezkur chare-tedbirlerning meqsitining, rusiyening ukrainadiki ishghaliyitini axirlashturush we salghan ziyanlirining ornini toldurush ikenlikini eskertti.
yawropa ittipaqi kéngishi 12-féwral (2024) rusiyening tonglitip qoyulghan mal-mülükliridin qolgha keltürülgen kirimdin ukraina üchün paydilinish qararini testiqlighan idi.
