amérika qizil déngizda xusiylargha zerbe berdi

türkiye awazi radiyosi xewiri: amérika armiyesi merkiziy qomandanliq ishtabi bayanat élan qilip: «séntkomgha qarashliq qisimlar 10-féwral özini qoghdash hoquqi ramkisida shu yer waqti 17.00-16.00 giche bolghan ariliqta, xusiylarning ikki dane su üsti apparati we üch dane paraxotqa atidighan bashqurulidighan bombisini muweppeqiyetlik halda bitchit qildi» dédi.

bayanatta, xusiylarning bayqalghan su üsti apparatlar we bashqurulidighan bombilar bilen yemenning shimaliy qismidin qizil déngizdiki soda paraxotlirigha hujum qilishqa teyyarliq qilghanliqi, rayondiki amérika herbiy paraxotliri üchün «chong tehdit peyda qilghanliqi» eskertilgen halda mundaq déyildi: «bu hujumlar, seper erkinlikini qoghdap, xelqaraliq déngiz tewelikini amérika herbiy paraiotliri we soda paraxotliri üchün téximu bixeter qilidu.»

yemende iranning qollishi astidiki xusiylar 31-öktebir (2023) din tartip isirailiyening ghezzediki hujumlirigha jawab qayturushni seweb qilip, yemen déngizi tewelikide isirailiye shirketlirige chétishliqi barliqini ilgiri sürgen soda paraxotlirini musadire qilishni, bezilirige uchqu we bashqurulidighan bombilar bilen hujum qilishni bashlighan idi.

amérika herbiy qisimliri nurghun qétim yemendin étilghan bashqurulidighan bomba we uchqularning étip chüshürülgenlikini élan qilghan idi.

dunyadiki nurghun xelqaraliq déngiz tiransiport shirketliri xusiylarning hujumliri sewebidin qizil déngizdiki paraxot qatnishini bikar qildi.

dunya sodisining texmine %12 i aqdéngizni qizil déngizgha tutashturup, yawropa bilen asiya otturisidiki musapini qisqartidighan süweyish qanili arqiliq emelge ashidu.