türkiyege F-16 sétip bérishke qarita amérika palatasida héchqandaq qanuniy tosalghu qalmidi
türkiyege F-16 küreshchi ayropilanining sétilishi toghrisidiki amérika palatasining tekshürüsh mudditi toshti.
türkiye awazi radiyosi xewiri: amérika hökümitining 26-yanwarda F-16 küreshchi ayropilanining türkiyege sétilishi toghrisida palatagha yollighan resmiy uqturushidin kéyin, qanunluq békitilgen 15 künlük tekshürüsh mudditi sétishqa tosalghu bolidighan héchqandaq mesile körülmestin toshqan boldi.
15 künlük tekshürüsh we naraziliq bildürüsh mudditi jeryanida peqet kéntakiy kéngesh palata ezasi rand paulning kéngesh palatasigha sunghan naraziliqi kün tertipke keldi.
paul sunghan qanun layihesi kéngesh palatasining tashqi munasiwetler komitétigha yollanghan bolsimu, emma bu qanun layihisige qarita héch ish qilinmidi.
shundaq qilip, amérika hökümitining resmiy uqturushidin kéyin, parlatadiki 15 künlük muddet tünügün kechte axirlashqan boldi.
amérika qoral-yaragh éksportini kontrol qilish qanuni (AECA) gha asasen alaqidar organlar otturisida sétish jeryanining bashlinishida héchqandaq tosalghu qalmidi.
türkiye amérikadin 40 dane yéngi «F-16 Block 70» küreshchi ayropilani sétiwilishni we ambardiki 79 ayropilan üchün zamaniwilashturush zapchaslirini telep qilghan idi.
