hamas: «israiliye bilen ghezze rayoni toghrisida axirqi kélishim hasil qilinghan ish yoq»
hamas herikiti siyasiy béyrosi ezasi usama el hemdan: «israiliye bilen ghezze rayoni toghrisida axirqi kélishim hasil qilinghan ish yoq» dédi.
türkiye awazi radiyosi xewiri: usama el hemdan muxbirlarni kütüwélish yighinida, israiliye bilen ikkinchi qétimliq esir almashturush we ghezze rayonida toluq urush toxtitish mesilisi heqqide bayanat élan qildi.
israiliye bilen urush toxtitish we esir almashturush toghrisida axirqi kélishim hasil qilinmighanliqini tekitligen hemdan, bezi teklip we tewsiyeler kelgenlikini, hamas bolush süpiti bilen bu heqte xizmet qiliwatqanliqini, pelestin xelqining menpeetini közde tutup qarar chiqiridighanliqini éytti.
hemdan firansiyening paytexti parizhdiki yighinda tüzülüsh éhtimalliqi bolghan kélishimning omumiy ramka layihesini hamasning tapshuruwalghanliqini bildürüp: «israiliyening ghezze rayonigha qaritilghan barliq hujumlarni toxtitishi we ghezzediki barliq ishghaliyetchi küchlirini chékindürishini asas qilghan kélishimge merkezlishiwatimiz» dédi.
kélishim layihesige merkezleshkenlikini bayan qilghan hemdan: «bu layihe ghezzediki xelqimizge qaritilghan 17 yilliq qorshawni bikar qilish, qaytidin sheher qurulushi we esir almashturush kélishimini öz ichige alidu» dédi.
