yawropa ittipaqi xusiylargha qarshi herbiy qisim teshkilleydu
yawropa ittipaqi tashqi munasiwetler we bixeterlik siyasiti aliy wekili borrél yawropa ittipaqining yemende iran qollawatqan xusiylarning hujumigha qarshi turush qisimlirining 19-féwral (2024) din tartip wezipe ijra qilishni bashlaydighanliqini élan qildi.
türkiye awazi radiyosi xewiri: yawropa ittipaqi tashqi munasiwetler we bixeterlik siyasiti aliy wekili josép borrél yawropa ittipaqining dölet mudapie ministirliri bilen körüshkendin kéyin ötküzülgen muxbirlarni kütüwélish yighinida, qizil déngizda wezipe öteydighan «aspidés» (Aspides) namliq yawropa ittipaqi déngiz armiye qismi toghrisida tepsiliy toxtaldi.
u: «qoghdighuchi menisini bildüridighan < aspidés> namliq herbiy qisim peqet soda paraxotlirinila qoghdaydu, bu qoghdash wezipisini asas qilidu. herbiy qisimning héchqandaq hujum qilish wezipisi yoq, wezipe ijra qilishta herbiy paraxotlar we hawa qoghdinish qoralliridin paydilinidu. bu qétimliq wezipe ijra qilishqa yawropa ittipaqigha eza döletlerning hemmisi qatnashmidi. kéchikkende 19-féwralghiche < aspidés> qismimizni teshkillep, wezipimizni bashlaymiz. menmu shundaq bolushini ümid qilimen. ittipaqqa eza döletler buningda küchlük iradilirini namayan qildi» dédi.
