putin: rusiye ayropilani «wetenperwer» namliq bashqurulidighan bomba bilen chüshürüwétildi
rusiye pirézidénti wladimir putin 65 ukrainaliq esirni öz ichige alghan 74 kishi olturghan ayropilanning, amérikaning «wetenperwer» namliq bashqurulidighan bombisi bilen étip chüshürülgenlikini éytti.
türkiye awazi radiyosi xewiri: wladimir putin martta (2024) ötküzülidighan pirézidéntliq saylimining teyyarliqliri üchün moskwadiki «gostiniy dwor» binasida saylam mesulliri bilen körüshti.
u bu yerde qilghan sözide, ötken hepte 65 ukrainaliq esirni öz ichige alghan 74 kishi olturghan rusiyening «İl-76» tipliq ayropilanning étip chüshürülgenliki üstide toxtaldi.
u mundaq dédi:
«ayropilan amérikaning <wetenperwer> namliq bashqurulidighan bombisi bilen étip chüshürüldi. bu éniqlandi. ayropilanni chüshürüwetken bashqurulidighan bomba, ukraina hökümiti kontrol qiliwatqan jaydin étildi.»
u ukrainaning ayropilanni étip chüshürüwétish bilen «jinayet» ötküzgenlikini tekitlep, gherbning mezkur weqening üstini yépishqa urunuwatqanliqini, weqeni xelqaraliq tekshürüsh kéreklikini eskertti.
