amérika hökümiti türkiyege F-16 sétip bérish toghrisidiki qararini dölet mejlisige melum qildi
amérika tashqi ishlar ministirliqi amérika dölet mejlisige türkiyege 40 dane F-16 küreshchi ayropilani sétip bérish we türkiyening qolidiki mewjut F-16 tipliq ayropilanlarni zamaniwilashturush toghrisida resmiy uqturush qildi.
türkiye awazi radiyosi xewiri: amérika dölet mudapie bixeterlik hemkarliqi orgini yazma bayanat élan qilip, amérika tashqi ishlar ministirliqining 40 dane F-16 Block 70 küreshchi ayropilan we 79 xil F-16 zamaniwilashturush zapchaslirining türkiyege sétilishini testiqlighanliqi toghrisidiki resmiy uqturushni dölet mejlisige yollighanliqini bildürdi
bayanatta: «tashqi ishlar ministirliqi türkiye jumhuriyitige texminen 23 milyard dollar qimmitidiki F-16 tipliq küreshchi ayropilanlarni we mewjut ayropilanlirini zamaniwilashturushi üchün üskünilerni sétishni testiqlashni qarar qildi» déyildi we mudapie bixeterlik hemkarliqi orginining munasiwetlik guwahnamini bügün dölet mejlisige yollighanliqi eskertildi.
qoral-yaragh sétish üchün, amérika dölet mejlisi hökümetning qoral sétish uqturushigha étiraz bildürmesliki kérek.
