finlandiye isirailiyening özini qoghdashni telep qilalmaydighanliqini bildürdi
finlandiye tashqi ishlar ministiri élina waltonén (Elina Valtonen) israiliyening ghezzege qilghan hujumini tenqid qilip, israiliyening emdi özini qoghdashni telep qilalmaydighanliqini éytti.
türkiye awazi radiyosi xewiri: finlandiye tashqi ishlar ministiri élina waltonén gérmaniye axbarat orgini r n d (RND) ning ziyaritini qobul qilghanda, her küni ghezzede nurghun puqraning ölüwatqanliqini, emma israiliyening buning aldini élish üchün héchqandaq tirishchanliq körsetmigenlikini bildürdi.
u mundaq dédi:
«israiliye yenila özini qoghdashni telep qilalamdu? yaq, özini qoghdash dewri axirlashti. nahayiti éniq deymenki, emdi yetti, ghezzediki puqralar derhal <insanperwerlikni chiqish qilghan waqitliq urush toxtitish> qa we insanperwerlik yardemlirige mohtaj.»
u kishilerning acharchiliqta qalghanliqini, pakize ichimlik suning yoqluqini bildürüp mundaq dédi: «bular israiliye sewebidin boluwatidu. insanperwerlik yardemlirini élip mangghan yük mashinilirining chégradin ötüshige ruxset qilinishi, hemme kishilerge yémek-ichmekler tarqitilishi kérek. israiliye chégra éghizlirini échip, insanperwerlik yardemlirining ghezze rayonigha téximu köp kirishige yol qoyushi kérek.»
hamasning herbiy qaniti qessam birigadiliri 7-öktebir (2024) israiliyege «eqsa topani» namliq keng kölemlik hujum qozghighanliqini élan qildi.
israiliye armiyesimu buninggha qarita ghezze rayonigha qarshi «tömür qilich herikiti» ni qozghighanliqini élan qilghan idi.
ikki terepning künséri keskinleshken toqunushlirida, köpinchisi ayallar we kichik balilar bolup 26 minggha yéqin pelestinlik jénidin ayrildi.
