amérika türkiyening F-16 filotini zamaniwilashturushni xalaydighanliqini yene bir qétim tekitlidi

türkiye awazi radiyosi xewiri: amérika tashqi ishlar ministirliqi muawin bayanatchisi wédant patél kündilik muxbirlarni kütüwélish yighinida, muxbirlarning soallirigha jawab bérip: «pirézidént jo baydin bilen ministir antoniy blinkén, bizning <türkiyening F-16 filotini zamaniwilashturushni qollaydighanliqimiz>ni éniq ipadilidi. biz buni shimaliy atlantik ehdi teshkilati — natoning özara hemkarliqigha sélinghan muhim meblegh, dep qaraymiz. shuning bilen birlikte, biz qoral sétishni tekshürüshte amérika dölet mejlisining rolining muhim ikenlikinimu bilimiz» dédi.

patél türkiyening «natoning muhim ittipaqdishi» ikenlikini tilgha élip: «biz shuninggha ishinimizki, türkiyemu natoni muhim dep qaraydu. (türkiye) bu rayonda ittipaq üchünla emes, belki uning sirtidimu ajayip muhim bixeterlik hemrahigha aylandi» dégenlerni qeyt qildi.

yene bir tereptin, jo baydin amérika dölet mejlisige mektup yollap, shiwétsiyening natogha eza bolushigha munasiwetlik musape axrilisha - axirlashmayla , türkiyege F-16 küreshchi ayropilanlirini sétip bérish toghrisida resmiy uqturush ewetidighanliqini bildürdi.

ismining ashkarilanmasliqini telep qilghan bir amérikaliq emeldar: «pirézidént baydin kéngesh palatasi we awam palatasi tashqi ishlar komitétining reisliri we ezalirigha mektup yollap, türkiye parlaméntining shiwétsiyening natogha kirish kélishimini testiqlighanliqidin söyüngenliki we bu jeryan tamamlinar-tamamlanmayla, türkiyege F-16 tipliq ayropilanlarning sétip bérilishi toghrisida dölet mejlisige resmiy uqturush qilishni oylishiwatqanliqini bildürdi» dédi.

amérikaliq mezkur emeldar yene: «pirézidént dölet mejlisini F-16 tipliq ayropilanlarni sétip bérish mesilisini kéchiktürmeslikke ilhamlandurdi» dégenlerni sözlirige ilawe qildi.