amérika omumiyüzlük urush toxtitishni qollimighanliqini étirap qildi
amérika hökümiti ghezzede omumiyüzlük urush toxtitish emes, belki esirlerning qoyup bérilishi we rayongha insanperwerlik yardemlirining yetküzülüshi üchün «insanperwerlikni chiqish qilghan waqitliq urush toxtitish» ni qollighanliqini bildürdi.
türkiye awazi radiyosi xewiri: aqsaray dölet xewpsizlik kéngishi istratégiyelik uchur-alaqe kordinatori jon kirbi kündilik axbarat élan qilish yighinida, ghezzening nöwettiki weziyiti we isirailiyening hujumliri üstide toxtaldi.
u muxbirlarning isirailiyening ghezzede barghanséri küchiyiwatqan hujumlirigha munasiwetlik soalgha jawab bergende, «bu mesile isirailiye hökümitining herbiy pilani» dep ötküzüwétishke tirishti we amérika hökümitining isirailiyening hamasni yoqitishini qollighanliqini, emma pelestin puqralirining qoghdilishi kéreklikini tekitlidi.
u: «esirlerni qutquzush üchün insanperwerlikni chiqish qilghan waqitliq urush toxtitishni qollaymiz. buninggha munasiwetlik siyasitimiz özgermidi. isirailiye hamasqa qarshi urush qiliwatidu. isirailiyening özini qoghdash hoquqi bar» dédi.
hamasning herbiy qaniti bolghan qessam birigadiliri 7-öktebir (2023) «eqsa topani» namliq keng kölemlik hujum qozghighanliqini jakarlighan. israiliye armiyesimu urush ayropilanlirini ishlitip ghezzeni bombardiman qilishni bashlighanidi.
ikki terepning künséri keskinleshken toqunushlirida köpinchisi kichik balilar we ayallar bolup 25 mingdin artuq pelestinlik jénidin ayrildi.
