elis wéydél: engliyening yawropa ittipaqidin ayrilishi gérmaniye üchünmu ülge bolalaydu
gérmaniye üchün bashqiche tallash partiyesining rehbiri elis wéydél engliyening yawropa ittipaqidin ayrilishining gérmaniye üchünmu ülge bolalaydighanliqini bildürdi.
türkiye awazi radiyosi xewiri: gérmaniyelik siyasetchi «pul-muamile waqti géziti» ge bergen bayanatida, engliyening yawropa ittipaqidin ayrilish modélni gérmaniyegimu ishlitishke bolidighanliqini otturigha qoydi.
eger hökümet özgirishi bolghan ehwal astida, öz partiyesining yawropa ittipaqida islahat élip bérip, bashqa eza döletlerning démokratik kemchilikini tügitishke tirishidighanliqini bayan qilghan wéydél, eger buningda meghlub bolghan teqdirde, gérmaniyening yawropa ittipaqida turush yaki turmasliqini omumiy xelqning awazigha qoyushi mumkinlikini éytti.
yene bir tereptin, gérmaniye hökümiti elis wéydélning bu bayanlirigha qarita «kishini endishige salidu» dep baha berdi.
gérmaniye iqtisad ministirliqining meslihetchisi firansiska brantnér (yéshillar) gérmaniyening yawropa ittipaqidin ayrilishining parawanliq tüzümining ulini tewritiwételeydighanliqini tekitlidi.
brantnérning qarishiche, yawropaning ichki baziri gérmaniyening éksportchi dölet bolush süpiti bilen qolgha keltürgen iqtisadtiki muweppeqiyitige xewp élip kélishi mumkin iken.
yéshillar partiyesining siyasioni firansiska brantnérning qarishiche, gérmaniye üchün bashqiche tallash partiyesining gérmaniye iqtisadigha, karxanilirigha we xizmetchilirige zor ziyan élip kélishi mumkin iken.
