israiliye liwanda bir aptomobilgha uchquchisiz ayropilan bilen hujum qildi
israiliyening liwanning jenubida bir aptomobilgha uchquchisiz ayropilan bilen hujum qilghanliqi we hujumda bir kishi qaza qilip, besh kishining yarilanghanliqi bildürüldi.
2091555
türkiye awazi radiyosi xewiri: liwan metbuatliridiki xewerlerge asaslanghanda, tünügün (21-yanwar) liwanning jenubidiki kafrada liwan herbiy tekshürüsh ponkitigha yéqin jayda bir aptomobil uchquchisiz ayropilanning hujumigha uchrighan. hujumda bir kishi qaza qilip, besh kishi yarilanghan.
hujum liwan-israiliye chégrasidin texminen sekkiz kilométir yiraqliqta qilinghan bolup, hujumda bir aptomobilning weyran bolghanliqi, yene bir aptomobilgha ot ketkenliki xewer qilindi.
israiliye taratqulirining bixeterlik menbelirini asas qilghan xewerliride bolsa, hujumda hizbullahning ikki ezasining öltürülgenliki, yene bir ezasining qéchip qutulghanliqi bildürüldi.
