amérikada nachar hawa rayi 80 din artuq kishining jénigha zamin boldi
aldinqi hepte amérikaning nurghun rayonlirida nachar hawa rayi sewebidin kélip chiqqan weqelerde 80 din artuq kishi qaza qildi.
türkiye awazi radiyosi xewiri: «CBS News» torining xewirige asaslanghanda, milyonlighan amérika puqrasi nachar qish sharaitining éghir tesirige uchrighan.
gherbiy déngiz qirghiqidiki orégon ishtatida shiwirghan sewebidin élan qilinghan jiddiy halet dawam qilmaqta. pénsilwaniye, kaliforniye we indiyanadimu tok üzülüp qélish weqeliri körülmekte.
amérika miqyasida aldinqi bir hepte ichide nachar hawa rayi sewebidin kélip chiqqan hadisilerde 80 din artuq kishi qaza qildi. soghuq hawa rayining hepte béshidimu dawam qilidighanliqi uqturuldi.
100 milyondin artuq kishining shimaliy qutub sughuqining selbiy tesirige uchraydighanliqi bildürülmekte.
nachar hawa rayi sewebidin texminen 100 ming kishi tok mulazimitidin mehrum qaldi.
yene bir tereptin, ténnéssi ishtatida 10 milyon kishining tok üzülüp qélishning aldini élish üchün tokni téjep ishlitishi kérekliki telep qilindi.
مۇناسىۋەتلىك خەۋەرلەر
iraqtiki bir tebiiy gaz meydani hujumgha uchridi
iraqning sulaymaniye shehiridiki kor-mor tebiiy gazliq uchquchisiz hawa apparati hujumigha uchridi.