blinkén: ereb döletliri pelestin qurulmay turup ghezzeni qayta qurushqa qiziqmaydu
amérika tashqi ishlar ministiri antoni blinkén isirailiye-pelestin mesilisi üstide toxtilip, uzun muddetlik we ikki döletlik hel qilish charesi bolmay turup, ereb döletlirining ghezzeni qayta qurushqa qiziqmaydighanliqini éytti.
türkiye awazi radiyosi xewiri: amérika tashqi ishlar ministiri antoni blinkén s n b s (CNBC) téléwiziyesining ziyaritini qobul qilghanda, isirailiye-pelestin mesilisi üstide toxtaldi.
u ereb döletlirining ötmüshtikige oxshimighan halda bixeterlik jehette kapalet bérip, isirailiyeni rayon bilen bir gewdileshtürüshke teyyar ikenlikini we shundaq qilishni xalaydighanliqini bildürüp: «pelestin dölitining qurulushi mesilisidimu oxshashla qetiy iradege ige. chünki bizge oxshash ularmu mesile hel bolmighiche heqiqiy tinchliq we muqimliqqa érishelmeydighanliqlirini yaxshi bilidu» dédi.
u seudi erebistan qatarliq ereb döletlirining isirailiye bilen bolghan munasiwetliride, ilgiri qiliip baqmighan ishlarni qilishqa teyyar ikenlikini eskertip, rayonda dawamlishiwatqan toqunushlar toghrisida qarar qilish kéreklikini bildürdi.
u hazir isirailiyening diqqitini ghezzege merkezleshtürgenlikini, emma axirida qarar chiqirishqa mejbur ikenlikini bildürüp, rayonda heqiqiy uzun muddetlik tinchliqning ikki döletlik hel qilish charesige baghliq ikenlikini tekitlidi.
