iranning qollishi astidiki husiylardin amérikagha tehdit

türkiye awazi radiyosi xewiri: husiylarning siyasiy biyuro ezasi eli elqaxxum: «yemendin amérikaliqlargha shuni deymizki: yemenge qaratqan barliq heriketliringlar we hujumliringlar muweppeqiyetke érishelmeydu, hujumliringlargha barliq küchimiz bilen qarshi turimiz. yemenning qudritini körüp qalisler we rayondin peskeshlerche chékinisler. tekebburluqunglar we yoghanchiliqinglar axirlishidu, yemenning küchini körisiler» dédi.

u yemenning bir dölet bolush süpiti bilen xelqi we armiyesi bilen amérikagha qarshi urushqa teyyarliniwatqanliqini eskertip, mundaq dédi:

«yemen döliti, armiyesi we xelqi bilen hoshyarliqni östürüp, amérikagha qarshi urushqa qatnishishqa teyyarliq qilmaqta. pelestin we ümmetning barliq dewaliri üchün amérika, engliye we israiliye wekillikidiki chong sheytangha biwasite qarshi turush bir sherep.»

u amérika bilen bolghan urushning «wede qilinghan pethi we jihad» ikenlikini tekitlidi.

u amérikaning aldinqi hepte yemenge qilghan hujumining netijige érishelmigenlikini eskertip mundaq dédi: «amérika we engliyening yemenge qilghan hujumining héchqandaq ünümi bolmidi we bolmaydu. bu igilik hoquq we xelqara qanungha xilapliq qilghan hujum we jinayet hésablinidu. amérika we engliyening zerbisige uchrighan nishanlar ilgiri bombardiman qilinghan rayonlarda idi, bu héchqandaq yéngiliq emes. ular buning bilen yemenge qarshi jeng élan qildi, shunga ulargha choqum yemenning yemenning hujumlirigha chidéshi kérek. térrorist amérikadur, bu uning ötküzgen jinayiti. bu bir urush we dawamlishiwatidu. ular hujum qilghanliqigha choqum pushayman qilidu we éghir bedel töleydu. yemen özining ulugh xelqi, döliti, armiyesi, rehberliki, küchi we herbiy iqtidari bilen ulughdur.»

u axirida, amérikagha qarshi ghelibe qilghiche urushni dawamlashturidighanliqlirini tekitlep, düshmenlirige béridighan jawabning intayin qattiq we qaxshatquch bolidighanliqini bildürdi.

iranning qollishi astidiki husiylar isirailiyening ghezzediki hujumlirigha jawaben 31-öktebir (2023) din tartip yemen déngiz tewelikide isirailiye shirketlirining soda paraxotlirini musadire qilmaqta. bezilirige uchqu we bashqurulidighan bombilar bilen hujum qilmaqa.

amérika qoralliq qisimliri nurghun qétim yemendin étilghan bashqurulidighan bomba we qoyup bérilgen uchqularni étip chüshürgenlikini élan qildi.

dunyadiki nurghun déngiz tiransiport shirketliri husiylarning hujumliri bashlanghandin kéyin, qizil déngizdiki qatnishini toxtatti. qizil déngizni aqdéngizgha tutashturup, yawropa bilen asiya otturisidiki musapini qisqartidighan süweyish qanili arqiliq dunya sodisining texminen %12 i qilinidu.