lawrow: amérika nato ul-eslihesini kücheytishke tirishiwatidu

türkiye awazi radiyosi xewiri: rusiye tashqi ishlar ministiri sérgéy lawrow moskwada ziyarette boluwatqan shimaliy koréye tashqi ishlar ministiri cho sonxuy bilen körüshti.

u körüshüshning axbaratqa échiwétilgen qismida söz qilip, koréye yérim arili we omumen sherqiy shimaliy asiyadiki mesililerning keng dairede adil hel qilinishini qollaydighanliqlirini bildürdi.

u: « amérika we rayonda amérikagha egishiwatqan döletlerning shimaliy koréyening bixeterlikige tehdit sélish siyasiti, ijabiy ilgirileshke tosqunluq qilidu. amérika we uning ittipaqdashliri rayonda natoning asasiy ul-eslihesini kücheytishke tirishiwatidu. jiddiychilikke seweb bolidighan her xil qedemlerdin waz kéchishke chaqirimiz we buni dawamlashturimiz» dédi.

u shimaliy koréyening ukraina mesiliside rusiyeni qollighanliqini bildürüp, xelqaraliq sehnilerde shimaliy koréye bilen masliship heriket qiliwatqanliqlirini qeyt qildi.

shimaliy koréye tashqi ishlar ministiri cho sonxuy ikki terep munasiwetlirining kim jongun bilen putinning alahide köngül bölüshi sayisida tereqqiy qilghanliqini, bu (2024) yéngi sewiyege yétishini ümid qilidighanliqlirini bildürdi.