shimaliy koréye yaponiye déngizigha yene bashqurulidighan bomba atti
shimaliy koréyening yaponiye déngizi (sherqiy déngiz) gha qaritip ballistik bashqurulidighan bomba qoyup bergenliki bildürüldi.
türkiye awazi radiyosi xewiri: jenubiy koréye armiye bash ishtabining bayanatida, shimaliy koréyening shu yerning waqti saet 14:58 de yaponiye déngizigha qaritip ballistik bashqurulidighan bomba qoyup bergenliki uqturuldi.
bayanatta, buning shimaliy koréyening 2024-yilida sinaq qilghan tunji ballistik bashqurulidighan bombisi ikenliki tekitlendi.
yaponiye dölet mudapie ministirliqi mesulimu bashqurulidighan bombining yaponiye döletlik mexsus rayonining sirtigha chüshkenlikini élan qildi.
yaponiye hökümiti bash wezirlikige qarashliq krizislerni bir terep qilish ishxanisida bashqurulidighan bomba chüshken rayonda yüz bérish éhtimali bolghan ziyanni bahalash tetqiqati élip bériliwatqanliqi bildürüldi.
yaponiye bash weziri kishida fumio muxbirlargha bergen bayanatida, rayonda heriket qiliwatqan hawa we déngiz éléméntlirining bixeterlikige kapaletlik qilish shundaqla kütülmigen ehwallargha teyyarliq qilish toghrisida yolyoruq bergenlikini bildürdi.
shimaliy koréye axiriqi qétim 17 - dékabirda qisqa musapiliq ballistik bashqurulidighan bomba sinaq qilghan we 18-dékabirda bolsa, qiteler ara bashqurulidighan bomba «Hwasong-18» ni sinaq qilghan idi.
