gérmaniye jenubiy déngizdiki igilik hoquq ixtilapini tinch yol bilen hel qilish kéreklikini tekitlidi
gérmaniye tashqi ishlar ministiri annalina bayérbok jenubiy jenubiy déngizdiki talash-tartishlarni tinch yol bilen hel qilish kéreklikini we dölitining jiddiylikni peseytishke yardem bérishke teyyar ikenlikini otturigha qoydi.
2087820
türkiye awazi radiyosi xewiri: filippin ziyariti dairiside pirézidént férdinand markos we yuqiri derijilik emeldarlar bilen körüshken bayérbok, muxbirlarni kütüwélish yighinida söz qilip, xitayning jenubiy déngizdiki heriketlirining rayondiki bashqa döletlerning iqtisadini xeterge ittirgenlikini, gérmaniyening rayondiki jiddiylikni peseytish tirishchanliqlirigha yardem bérishke teyyar ikenlikini tekitlidi.
u, jenubiy déngizning dunyadiki hayatiy küchke tolghan iqtisadiy rayonlarning biri ikenlikini tilgha élip: «hazir talash-tartishlarni hemme birlikte tinch yol bilen hel qilish méxanizmlirini ornitidighan peyt keldi. dunya bashqa bir kirizisqa mohtaj emes. nöwette nurghun kirizis bar» dédi.
jenubiy déngizgha qirghaqdash döletler ikkinchi dunya urushidin kéyin musteqilliqqa érishkendin buyan, igilik hoquq talash-tartishlirigha téma bolup kelmekte.
xitay 1947-yili élan qilinghan bir xeritini asas qilip, jenubiy déngizning %80 tin köprekining igilik hoquqini telep qilmaqta. filippin, wiyétnam, birunéy we malayshiya qatarliq qoshna döletlermu bu rayonda heqqi barliqini otturigha qoymaqta.
مۇناسىۋەتلىك خەۋەرلەر
iraqtiki bir tebiiy gaz meydani hujumgha uchridi
iraqning sulaymaniye shehiridiki kor-mor tebiiy gazliq uchquchisiz hawa apparati hujumigha uchridi.
