xitay üch dölet yighinigha naraziliq bildürdi

türkiye awazi radiyosi xewiri: xitay tashqi ishlar ministirliqining bayanatchisi mawning kündilik axbarat élan qilish yighinida, üch döletning hemkarliq nami astida bashqilarni chetke qaqidighan guruppilarni teshkillep, xitaygha qara chaplighanliqini, tirkishish we toqunush peyda qilishqa urunghanliqini ilgiri sürdi.

u rayonning sirtidiki döletlerning jenubiy déngizda küch körsitip, tirkishish peyda qilishqa urunuwatqanliqini bildürüp: «xitay rayondiki döletler bilen otturidiki oxshimasliqlarni biwaste, diyalog we kéngishish yoli arqiliq muwapiq halda bashqurush bilen bir waqitta, déngizdiki igilik heq-hoquqini we menpeetini qoghdaydu» dédi.

u üch döletni rayondiki döletlerning tinchliq we muqimliq üchün körsitiwatqan tirishchanliqlirigha hörmet qilishqa, soghuq urush logikasidin waz kéchip, rayonda jiddiychilik peyda qilish we qutuplar arisida tirkishish weziyiti peyda qilishni axirlashturushqa chaqirdi.

u mundaq dédi:

«rayon asiya-tinch okyan hemkarliqining bashlamchisi, géopolitikiliq riqabetning shahmat taxtisi emes.»

u teywen üstidimu toxtilip mundaq dédi:

«teywen xitayning ayrilmas bir parchisi. teywen mesilisi pütünley xitayning ichki ishi. chet elning arilishishini qobul qilalmaymiz.»

amérika, yaponiye we jenubiy koréye 6-yanwar (2024) échilghan «üch terep hindi-tinch okyan diyalogi» yighinida, xitayning jenubiy déngizdiki «xeterlik we mesilini ulghaytquchi» heriketliridin qayghuruwatqanliqlirini bildürgen idi.

üch dölet yighinda, teywen boghuzida tinchliq we muqimliqning xelqara jemiyetning bixeterliki we parawanliqi üchün waz kechkili bolmaydighan derijide muhimliqini tekitligen idi.