shiwétsiye urushqa qatnishishi mumkin
shiwétsiye dölet mudapie ministiri karl oskar bolin (Carl Oskar Bohlin) shiwétsiyening urushqa qatnishishi mumkinliki toghrisida agahlandurdi.
türkiye awazi radiyosi xewiri: shiwétsiye dölet mudapie ministiri karl oskar bolin salén herbiy bazisida ötküzülgen memliketlik xelq we mudapie konféransida söz qilip, rusiyege qarshi estayidil bolush kéreklikini bildürdi.
u mundaq dédi:
«shiwétsiyemu urush qilishi mumkin, xelqimiz urushqa teyyar bolushi kérek.»
u shiwétsiyening 210 yildin buyan urush qilip baqmighanliqini eskertip: «rusiyening 2022-yili féwraldin tartip ukrainagha qiliwatqan hujumliri netijiside, yawropada eslidinla nachar bolghan bixeterlik weziyiti téximu nacharlashti. rusiyening téz sürette qaytidin qorallinishigha estayidil muamile qilish kérek. texminen 210 yil dawamlashqan tinchliq, shiwétsiye xelqi üchün memnun qilarliq yol boldi. emma, bu weziyet künimizde özgerdi, bixeterlik yamanlashti. menmu mesuliyetchan bir ministir bolush süpitim bilen, shiwétsiye xelqige bu emeliyetni chüshendürüshke mejburmen» dédi.
u shiwétsiye hökümitining döletning urushqa qatnishish mumkinchiliki toghrisida ang peyda qilip, mudapie iqtidarini kücheytishke tirishiwatqanliqini, ukrainaning rusiyege körsitiwatqan qarshiliqini örnek qiliwatqanliqini qeyt qildi.
