irandiki térrorluq hujumigha chétishliq bezi kishiler qolgha élindi

türkiye awazi radiyosi xewiri: iran ichki ishlar ministiri ehmed wahidi 3-yanwarda kérmandiki qasim solaymanining qebrisige yéqin jayda yüz bergen we térorluq teshkilati daésh jawabkarliqini öz üstige alghan bomba hujumigha chétishliq bezi kishilerning qolgha élinghanliqini bildürdi.

iran resmiy xewer agéntliqi IRNA ning xewirige asaslanghanda, wahidi hujum yüz bergen kirman ölkiside bayanat élan qilip, «istixbarat etriti kirmandiki térorluq weqesige qatnashqan kishiler heqqide nahayiti yaxshi yip uchi tapti, bu weqede rol oynighan bir qisim kishiler qolgha élindi» dédi.

wahidi hujumda qaza qilghanlarning 30 nepirining kichik bala ikenlikini élan qildi.

amérika 2020-yili 3- yanwarda iraqning paytexti baghdatta, iran inqilabni muhapizet qilish qisimliri quddus etritining sabiq qomandani qasim suleymanini suyiqest bilen öltürgen bolup, uning öltürülgenlikining 4 - yilliqini xatirilesh künide, kérman shehiride uning qebrisige yéqin jayda térorluq hujumi yüz bérip, arqimu arqidin ikki partilash meydangha kelgen idi.

hujumda 89 kishi qaza qilip, 284 kishi yarilanghan idi.