amérika shimaliy koréyening rusiyeni bashqurulidighan bomba bilen teminligenlikini ilgiri sürdi

türkiye awazi radiyosi xewiri: amérika qoshma ishtatliri hökümiti shimaliy koréyeni rusiyeni ballistik bashqurulidighan bomba we bashqurulidighan bomba qoyup bérish supiliri bilen teminlesh bilen eyiblep, mezkur bashqurulidighan bombilarning bezilirining moskwa teripidin ukrainagha qoyup bérilgenlikini ilgiri sürdi.

aqsaray dölet bixeterlik kéngishining istratégiyelik alaqe maslashturghuchisi jon kirbi yéqinqi mezgillerdiki rusiye – shimaliy koréye  yéqinlishishi toghrisida toxtaldi.

jon kirby amérikaning ibmargoliridin kéyin, rusiyening qoral-yaragh we oq-dorigha érishish dairisi tarayghan bolghachqa, rayondiki shérikliri bilen téximu köp herbiy hemkarliq ornitishning koyigha kirgenlikini ilgiri sürdi.

shimaliy koréyening bu musapide rusiyeni ballistik bashqurulidighan bomba bilen teminligenlikini bildürgen kirby: «qolimizdiki uchurlar koréye démokratik jumhuriyitining yéqinda rusiyeni ballistik bashqurulidighan bomba we bashqurulidighan bomba bilen teminligenlkini körsetmekte. rusiye qisimliri 30 – dékabirda mezkur bombilardin kem dégendimu birini ukrainagha atti» dédi.

kirbi 2-yanwar bayanat bérip, rusiyening téximu köp shimaliy koréye bashqurulidighan bombilirini ukrainagha atqanliqini éniqlap chiqqanliqlirini, bu jeryanni yéqindin közitiwatqanliqlirini bildürgenidi.