israiliyege ikki basquchluq urush toxtitish kélishimi teklipi sunulghanliqi ilgiri sürüldi

türkiye awazi radiyosi xewiri: israiliye taratquliri qatarning tél awiw hökümitige ghezzediki esirlerni almashturush toghrisida ikki basquchluq bir teklip sunghanliqini, teklipning birinchi basquchining, ghezzede texminen 1 ay urush toxtitish bedilige 40-50 israiliyelik esirning qoyup bérilishini mezmun qilidighanliqini ilgiri sürdi.

israiliye 12-qanili, otturigha qoyulghan kélishimning ikkinchi basquchining israiliye armiyesining ghezzedin chékinishini mezmun qilidighanliqini bildürdi.

«yediot axronot» géziti ismini ashkarilashni xalimighan bir emeldarning sözlirini menbe qilghan xewiride, 12-qanalning qatarning teklipi toghrisidiki uchurlirini delillidi.

emma, pelestin islamiy qarshiliq körsitish herikiti — hamas buningdin burun köp qétim israiliye bilen esir almashturush kélimishi imzalash üchün, ghezzediki hujumlarning teltüküs toxtitishni shert qilghanidi.