gollandiye: rusiye bilen urush qilishqa teyyar turushimiz kérek

türkiye awazi radiyosi xewiri: gollandiye quruqluq armiyesining qomandani martin wizhnén gollandiyede chiqidighan «De Telegraaf» gézitining ziyaritini qobul qilghanda, dölet armiyesining ehwali üstide toxtaldi.

u gollandiyening rusiye bilen urush qilishqa teyyar bolushi kéreklikini tekitlep: « bu hemme adem herbiy qalpaq kiyishni bashlaydu dégenlik emes, emma gollandiye rusiyege chégralinidighan we xelqining urushqa pewquladde teyyarliqi bolghan shiwétsiye, finlandiye hemde baltiq döletlirini közitip turushi kérek. shunga, rusiye bilen urush qilishqa teyyar turushimiz kérek. gollandiye ishlar tetür bop ketken ehwalda xelqning teyyar bolushi kéreklikini bilishi kérek» dédi.

u gollandiyening rusiye bilen bolghan ariliqining 1500 kilométir kélidighanliqi üchün bixeterlik kapalitige ige dep chüshinip qalmasliqi kérekilikini eskertip: «rusiye chüshinidighan birla nerse bar, u bolsimu küchlük armiye» dédi.

u bu nuqtidin éytqanda, dölet mudapie ministirliqidiki xadim yétersizlikini hel qilishning muhim ikenlikini qeyt qildi.

martin wizhnén 2021-yildin tartip gollandiye quruqluq armiyesining qomandani bolup wezipe ötewatqan bolup, 1-yanwar (2024) xizmitidin ayrilidu.