israiliye eskerliri gherbiy qirghaqtiki pelestinliklerni zerbe obyékti qilishni dawamlashturmaqta
israiliye ishghaliyet astidiki gherbiy qirghaq (ghezzening iyordan deryasining gherbiy qirghiqi) ta puqralarni zerbe obyékti qilishni dawamlashturmaqta.
2081150
türkiye awazi radiyosi xewiri: israiliye eskerlirining tulkerm shehiridiki basturup kirish herikiti jeryanida toqunush yüz bérip, alte pelestinlik jénidin ayrildi.
israiliye eskerliri elxelil shehiridimu pelestinliklerge qaritip oq chiqirip, ikki kishining jénigha zamin boldi.
7 – öktebir (2023) din buyan ishghal astidiki gherbiy qirghaq we sherqiy quddusta öltürülgen pelestinlikler sani 305 ke yetti.
israiliye eskerliri gherbiy qirghaqning shimaligha jaylashqan nur shems musapirlar lagérigha herbiy aptomobil we topa ittirish mashiniliri bilen basturup kirdi, weqe jeryanida bir binani bombardiman qildi. lagérdiki pelestinliklerning mal-mülüklirini ziyangha uchratti, ul- eslihelerni weyran qilip tashlidi.
israiliye eskerlirining pelestinliklerni nazaret astigha élish heriketlirimu dawam qilmaqta. israiliyelikler bu qétim beytullahimning jenubidiki beyt fujjar we hadr bazarliri bilen aida musapirlar lagérida biri zhurnalist bolup, jemiy 55 pelestinlikni tutup ketti.
igilinishiche, 7-öktebirdin buyan bu rayonda qolgha élinghan pelestinlikler sani 4785 ke yetken.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.
