iran rusiyening téhranda turushluq wakaletchisigha naraziliq notasi tapshurdi
iranning kontrolluqida turiwatqan we birleshme ereb birleshme xelipiliki igilik hoquqini dewa qiliwatqan basra qoltuqidiki üch aralgha dair birleshme bayanatqa qarshi, rusiyening téhranda turushluq wakaletchisi iran tashqi ishlar ministirliqigha chaqirildi.
türkiye awazi radiyosi xewiri: iran tashqi ishlar ministirliqining yazma bayanatigha asaslanghanda, bash elchi bolmighan ehwal astida ministirlikke chaqirtilghan rusiyening wakaletchisige naraziliq notasi tapshurulghan.
bayanatta, «basra qoltuqidiki üch aral irangha tewedur we bu mesilide her qandaq terepning teshebbusi qobul qiliinmaydu» déyildi.
rusiyening diplomatiye xadimi bolsa, iranning naraziliqini qisqa waqit ichide moskwagha yetküzidighanliqini bildürdi.
marakeshte 20 - dékabirda ötküzülgen 6 - nöwetlik rusiye-ereb munbiri yighinidin kéyin élan qilinghan birleshme bayanatta: «ereb birleshme xelipilikining büyük tunb, kichik tunb we ebu musa arili heqqide iran bilen bolghan chüshinishmeslikining xelqara qanun dairiside we özara muzakire arqiliq hel qilinishi üchün barliq tinchliqperwer tirishchanliqlarni qollash» tekitlengen idi.
iran tashqi ishlar ministirliqi 21 – dékabirda élan qilghan bayanatta, iranning «mezkur üch araldiki igilik hoquqi söhbetke ochuq emes» déyilgen idi.
iran tashqi ishlar ministiri hüseyin emir abdullahyan bilen rusiyelik mensepdishi sérgéy lawrow bu mesile heqqide tünügün téléfonda söhbetleshken idi.
