golani eskerliri ghezzedin chékingen
isirailiye taratquliri golani birigadisining zor yoqitishlardin kéyin, ghezzedin waqitliq chékingenlikini xewer qildi.
türkiye awazi radiyosi xewiri: isirailiye 13-qanal téléwiziyesi isirailiye armiyesidiki xillanghan piyade birigadisi terkibidiki golani eskerlirining «seplirini qaytidin tertipke sélish we janlandurush» üchün ghezzedin ayrilghanliqini xewer qildi.
walla (Walla) tor béti «golani birigadisining 70 kündin artuq waqitni bashtin kechürüp 44 eskirini yoqatqandin kéyin, br qanche künlük aililirini ziyaret qilish üchün ghezzedin ayrilghanliqi» ni bildürdi.
isirailiye 12-qanal téléwiziyesimu golani birigadisining ghezzening sherqige jaylashqan sujaiyye mehelliside ofitsér tomér grénbérg bilen sekkiz esker jénidin ayrilghan toqquz künlük shiddetlik urushtin kéyin, ghezzedin qaytip chiqqanliqini xewer qildi.
xewerde, eskerlerning ghezzege qayta kirish üchün buyruq kütüwatqanliqi qeyt qilindi.
ghezzening shimaliy we jenubidimu herbiy heriketlerni élip bériwatqan parashotchilar birigadisiningmu ghezzedin chékingenliki taratqularda xewer qilindi.
isirailiye taratquliri 13-dékabir (2023) hamasning herbiy qaniti qassam birigadilirining sujaiyye mehelliside qurghan tuziqida nurghun eskerlerning jénidin ayrilghanliqini xewer qilghan idi.
isirailiye armiyesi tuzaqta toqquz golani birigadisi eskirining jénidin ayrilip, töt eskerning éghir yarilanghanliqini élan qilghan idi.
