israiliyening wehshiylerche hujumliri ghezzening jenubidiki refah shehirige merkezleshti

türkiye awazi radiyosi xewiri: refah shehiride öltürülgen pelestinliklerning ichide zhurnalist adil zarabmu bar. shuning bilen israiliyening hujumlirida 7 – öktebir (2023) din buyan öltürülgen pelestinlik zhurnalistlarning sani 96 ge yetti.

israiliye qisimliri refahtin bashqa yene, nuseyrat panahlanghuchilar lagéri, xan yunus we deyr bala rayoninimu wehshiylerche bombardiman qildi.

7–öktebirdin buyan israiliye bombardiman qilghan 22 doxturxana we 53 sehiye merkizi xizmettin toxtidi. 300 din artuq tébbiy xadim öltürüldi. 90 mektep we uniwérsitét pütünley weyran boldi.  

ghezzede toqunushlar dawamlashmaqta. qassam birigadiliri israiliye eskerlirini élip mangghan bir aptomobilni hujum nishani qilghan sinalghusini hembehrlidi. xan yunusning sherqide élip bérilghan hujumda, tanka atar rakita ishlitildi. hujum netijiside öltürülgen we yarilanghan israiliye eskerlirining barliqi élan qilindi.

israiliye ghezzediki toqunushta yene ikki eskirining ölgenlikini élan qildi. shuning bilen bir kün ichide öltürülgen israiliye eskerlirining sani yettige yetti.

urush toxtitish kélishimi yene bir qétim küntertipige keldi. amérika aqsaray dölet bixeterlik kéngishining bayanatchisi jon kirbi yéngi esir almashturush kélishimining imzalinish aldida turghanliqini ilgiri sürdi.

yene bir tereptin, hamas israiliyening ghezzediki hujumlirini pütünley axirlashturushi sherti astida, esir almashturushqa ochuq ikenlikini élan qildi.

7 – öktebirdin buyan israiliyening hujumlirida 19 ming 453 pelestinlik öltürüldi, 52 ming 286  pelestinlik yarilandi.

israiliye qisimliri ghezze rayonigha hujum qilishni bashlighan 7–öktebirdin buyan 461 eskirining öltürülgenlikini, 129 nepirining quruqluqtin tajawuz qilish jeryanida ölgenliklini élan qildi.

insanperwerlik asasida waqitliq urush toxtitish jeryanida, 81 israiliyelik we 240 pelestinlik tutqun almashturulghan idi.