yawropa ittipaqi rehberliri ghezze mesiliside yene pütüshelmidi
yawropa ittipaqi rehberliri israiliye ghezze rayonigha hujum qilishni bashlighan 7-öktebirdin buyanqi 3 – nöwetlik bashliqlar yighinidimu ghezzede urush toxtitish chaqiriqi mesiliside ortaq tonush hasil qilalmidi.
türkiye awazi radiyosi xewiri: yawropa ittipaqi kéngishining reisi charliz mishél, bélgiyening paytexti biryussélda chaqirilghan 2 künlük yawropa ittipaqi rehberliri yighinidin kéyin, muxbirlarni kütüwélish yighini ötküzdi.
mishél yighinning eng muhim qaralmiliridin birining israiliye-pelestin toqunushi ikenlikini tekitlep mundaq dédi:
«yawropa ittipaqigha eza bezi döletler otturisida urush toxtitish mesiliside ixtilap otturigha chiqti, bu döletlerning beziliri <insanperwerlik nuqtisidin urush toxtitish> chaqiriqida bolush kéreklikini ilgiri sürse, yene beziliri <insanperwerlik nuqtisidin urush toxtitish kélishimi> hasil qilinish chaqiriqida bolushning muhimliqini otturigha qoymaqta, emma insanperwerlik yardem we ikki döletlik tüzüm mesiliside barliq döletler birdek qarashqa ige.»
shundaq qilip, yawropa ittipaqi rehberliri israiliye ghezze rayonigha hujum qilishni bashlighan 7-öktebirdin buyanqi 3 – nöwetlik bashliqlar yighinidimu ghezzede urush toxtitish chaqiriqi mesiliside ortaq tonush hasil qilalmidi.
hamasning herbiy qaniti bolghan qessam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi.
israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.
igilinishiche, barghanséri keskinlishiwatqan jiddiychilik dawamida, köpinchisi balilar bolup, 18 mingdin artuq pelestinlik hayatidin ayrilghan.
