dunya sehiye teshkilati: israiliyening bu qilmishini qetiy qobul qilghli bolmaydu
dunya sehiye teshkilati bash dériktori tédros adanom gébréyus israiliyening ghezzediki sehiye xadimlirini tutqun qilishini qetiy qobul qilghili bolmaydighanliqini éytti.
türkiye awazi radiyosi xewiri: tédros adanom gébréyus birleshken döletler teshkilatining jenwediki merkizide her yili yil axirida ötküzülidighan «yilliq eng axirqi qétimliq axbarat élan qilish yighini» da, birleshken döletler teshkilatining jenwede turushluq ish béjirish ornida wezipe ötewatqan axbaratchilar jemiyitining ezaliri bolghan zhurnalistlar bilen bir yerge jem boldi.
gébréyus 2023-yilining qiyinchiliqlar bilen tolup tashqan bir yil bolghanliqini, dunya sehiye teshkilatining bu yilni 2-ayda türkiyede yüz bergen yer tewresh apiti bilen kütüwalghanliqini we ghezzediki dehshetlik urush bilen xoshlishish aldida turuwatqanliqini tekitlep mundaq dédi:
«ghezzede insanperwerlik yardem we sehiye xadimlirini öz ichige alghan herqandaq bir adem we héchqandaq bir jay bixeter emes. xizmetdishimiz dima elhajni öz ichige alghan b d t ning 130 din artuq xadimi öltürüldi. insanperwerlik yardem buyumlirini yetküzüp bérish yaki bimarlarni yötkeshte ishlitilidighan insanperwerlik yardem karwanlirimu hujumgha uchridi. bu karwanlardiki etretler tutqun qilindi, soraq qilindi we qolgha élindi. saqliqni saqlash xadimlirining tutqun qilinishini qetiy qobul qilghili bolmaydu. ghezzede urush toxtitilmisa, tinchliq bolmaydu, tinchliq bolmisa, saghlamliqmu bolmaydu.»
