sulliwan nétayahu we gallant bilen ayrim-ayrim körüshti

türkiye awazi radiyosi xewiri: amérika aqsaray dölet xewpsizlik meslihetchisi jék sulliwan isirailiyening ghezzege 7-öktebir (2023) din buyan qiliwatqan hujumliri dawamlishiwatqan bir waqitta, isirailiyege yétip bardi.

u deslepte dölet mudapie ministiri gallant bilen körüshüp, ghezze we liwan chégrasidiki toqunushlarni muzakire qildi.

ministir gallant körüshüshtin kéyin bayanat élan qilip, amérika hökümitige «shertsiz qollighanliqi» üchün teshekkür éytti.

sulliwan arqidin isirailiye bash ministiri nétanyahu bilen körüshti.

isirailiye dölet xewpsizlik meslihetchisi xanégbi, amérika dölet xewpsizlik kéngishining ottura sherq we shimaliy afriqa kordinatori brét m j gurk qatarliqlarmu körüshüshte birge boldi.

sulliwan bilen nétanyahuning körüshüshidin kéyin, isirailiye urush kabéntining keng dairide yighin ötküzüshi kütülmekte.

sulliwan ramallahta pelestin dölet reisi mehmut abbas bilenmu körüshidu.