kirbi: türkiyege «F-16» tipliq urush ayropilanliri sétip bérishni qollaymiz
aqsaray dölet xewpsizlik kéngishi istratégiyelik uchur - alaqe ishliri mudiri jon kirbi amérika qoshma ishtatlirining türkiyege «F-16» tipliq urush ayropilanliri sétip bérishini qollaydighanliqlirini yene bir qétim tekitlidi.
2076938
türkiye awazi radiyosi xewiri: kirbi aqsarayda ötküzülgen axbarat élan qilish yighinida, türkiye jumhuriyiti jumhur reisi rejep tayyip erdoghan bilen amérika qoshma ishtatliri pirézidénti jo baydinning téléfon söhbiti heqqide toxtaldi.
u ikki rehberning téléfon söhbitide, ghezze rayonning hazirqi ehwali we israiliye-pelestin mesilisi, shundaqla shiwétsiyening shimaliy atlantik ehdi teshkilati-natogha eza bolush musapisi heqqide muzakire élip barghanliqini qeyt qildi.
kirbi amérika qoshma ishtatlirining türkiyege «F-16» tipliq urush ayropilanliri sétip bérishi toghriliqmu toxtilip mundaq dédi:
«türkiyening <F-16> tipliq urush ayropilanlirini zamaniwilashturush pilanini dawamliq qollaymiz.»
