zélénskiy amérikada ziyarette bolmaqta
rusiye ukrainagha qarshi ishghal qilish urushini bashlighan 14-féwral (2022) din buyan amérika paytexti washingtonni üch qétim ziyaret qilghan pirézidént wolodimir zélénskiy, aqsarayda pirézidént jo baydin bilen körüshti.
türkiye awazi radiyosi xewiri: ukraina pirézidénti wolodimir zélénskiy aqsarayda pirézidént jo baydin bilen körüshti.
amérika pirézidénti jo baydin zélénskiy bilen körüshüshtin ilgiri ukraina üchün kongredin telep qilghan, emma jumhuriyetchiler hazirghiche qobul qilmighan 61 milyard dollarliq yardem layihesi üstide toxtaldi.
u: «layihening qobul qilinmasliqi, rusiye pirézidénti putin üchün <rozhdéstwa sowghiti> bolidu» dédi.
jumhuriyetchiler köchmenler siyasitigha özgertish kirgüzüsh, jenubiy chégralarning bixeterlikini kücheytish qatarliq telepler bilen, mezkur yardem layihesini qobul qilishni kéchiktürmekte.
pirézidént zélénskiy amérika we uning ittipaqdashlirigha ukrainani qollighanliqi üchün teshekkür éytip, rusiyege qarshi urushta ghelibe qilidighanliqlirini tekitldi.
u ukrainaning hawa qalqan sistémilirini kücheytish ümidini otturigha qoydi.
2022-yili 14-féwral rusiye pirézidénti wladimir putinning ukrainani ishghal qilish permanini chüshürüshi bilen ukraina-rusiye urushi resmiy partlighan idi.
مۇناسىۋەتلىك خەۋەرلەر
iraqtiki bir tebiiy gaz meydani hujumgha uchridi
iraqning sulaymaniye shehiridiki kor-mor tebiiy gazliq uchquchisiz hawa apparati hujumigha uchridi.