iran bir tereplime halda onlarche döletning puqraliridin wiza telep qilishni emeldin qaldurdi

türkiye awazi radiyosi xewiri: iran resmiy xewer agéntliqi — irnaning xewirige qarighanda, iran medeniyet mirasliri, qol hüner-senetliri we sayahet ishliri ministiri izetullah zergami paytext téhranda ötküzülgen ichki kabinét yighinidin kéyin, 32 dölet puqraliridin wizini bikar qilish qarari toghrisida bayanat élan qilghan.

ministirliqning hökümetke sayahetchilikni tereqqiy qildurush üchün, bir tereplime halda bir qisim döletlerning puqraliridin wizini emeldin qaldurush toghrisida teklip sunghanliqini bildürgen zergami, sözini dawamlashturup: «ichki kabénit sayahet ministirliqining 32 döletning puqraliridin wizini bir tereplime halda bikar qilish teklipini testiqlidi» dégenlerni qeyt qildi.

zergami hökümetning teklipni qobul qilish arqiliq «döletning ishikni dunyagha échiwétishni qarar qilghanliqi»ni bildürüp: «bu hökümet chiqarghan nahayiti jesur we aqilane qarar boldi. ministirliq bolush süpitimiz bilen, bizning ishimiz dunya xelqi bilen bolidu ... wizini bir tereplime halda emeldin qaldurulush emeliyette dunya xelqi bilen söhbetlishishni körsitidu» dédi, mezkur 32 döletlerning isimlirini ashkarilimidi.

téhran hökümiti 2019-yili 6-ayda xitay puqralriidin bir tereplime halda wizini kechürüm qilishni qarar qilghanidi.