baydin: isirailiye bolmighan bolsa, dunyada bir yehudiymu bixeter bolalmaytti
amérika pirézidénti jo baydin isirailiyeni herbiy qollashning dawamlishidighanliqini bildürdi.
türkiye awazi radiyosi xewiri: «isirailiye waqti géziti» ning xewiride bildürülishiche, pirézidént jo baydin yehudiylarning xanuka bayrimi munasiwiti bilen aqsarayda bérilgen ziyapette söz qilip, «isirailiyening pelestinge qilghan hujumliri sewebidin amérikada küchiyiwatqan antisémitizmni eyibleymen» dégen.
u: «hamastin qutulghiche isirailiyege herbiy yardem qilishni dawamlashturimiz, emma intayin diqqet qilishimiz kérek. pütkül dunyaning chüshenchisi bir kéchide özgirishi mumkin. buning yüz bérishige ruxset qilalmaymiz» dédi.
u yehudiylar bilen isirailiyening bixeterlikige we musteqil yehudiy dölitining mewjut bolush hoquqigha emel qilishining tewrenmes ikenlikini bildürüp: «isirailiye bolmighan bolsa, dunyada bir yehudiymu bixeter bolalmaytti. méning yehudiylar jemiyiti bilen bolghan munasiwitim nahayiti qizghin. bir qanche yil ilgiri men <zionist bolush üchün yehudiy bolushingizning hajiti yoq, men zionist > déginimde awarichiliqqa yoluqqan we tenqidlengen idim» dédi.
hamasning herbiy qaniti bolghan qassam birigadiliri 7-öktebir (2023) «eqsa topani» namliq keng kölemlik hujum bashlighanliqini élan qilghan idi.
isirailiye armiyesimu buninggha jawaben «tömür qilich herikiti» ni bashlighanliqini élan qilghan idi.
künséri keskinleshken toqunushlarda, köpinchisi kichik bala 18 mingdin artuq pelestinlik jénidin ayrildi.
