sérgéy lawrow: ghezzede xelqara közitish komitéti qurush kérek
rusiye tashqi ishlar ministiri sérgéy lawrow israiliyening hamasni bahane qilip, pelestin xelqini kolléktip jazalashini qetiy qobul qilghili bolmaydighanliqini tekitlep, ghezze rayonida xelqara közitish komitéti qurush kérekliki heqqide chaqiriq élan qildi.
türkiye awazi radiyosi xewiri: rusiye tashqi ishlar ministiri sérgéy lawrow qatarda ötküzülgen «ortaq kelgüsi berpa qilish üchün» témiliq 21 - nöwetlik doha munbiri yighinida nutuq sözlidi.
sérgéy lawrow hamasning 7 – öktebir (2023) de israiliyege qilghan hujumining sewebsiz emeslikini eskertip, mezkur hujumning eslide uzun yillardin buyan dawamlishiwatqan ghezze qorshawi we pelestin dölitining qurulushigha munasiwetlik emelge ashmighan wedilerdin kéyin yüz bergenlikini tekitlidi.
pelestin döliti quralmasliqning ottura sherqte ashqunluqni eng ulghaytidighan amil ikenlikini uzun yillardin buyan israiliyeliklerge chüshendürüshke tirishqanliqlirini eskertken lawrow, pelestin dölitining qanunluq salahiyitining hel qilishqa érishelmeslikining rayondiki eng xeterlik amil ikenlikini bildürdi.
rusiye tashqi ishlar ministiri lawrow: «birleshken döletler teshkilati bash katipi antoniyo gutérrés bilen ghezzede bir xelqaraliq közitish komitéti qurushning zörürlükini söhbetleshtuq. ghezze rayonida insanperwerlik nuqtisidin urush toxtitishni kapaletke ige qilish üchün barliq xelqaraliq bésimlarni ishqa sélish kéreklikini muzakire qilduq» dédi.
