gherbiy afriqa döletliri iqtisadiy birleshmisi abujada toplandi

türkiye awazi radiyosi xewiri: 61-nöwetlik gherbiy afriqa döletliri iqtisadiy birleshmisining dölet we hökümet bashliqliri yighini üchün bir yerge jem bolghan rehberler, yéqinqi mezgillerde yüz bergen herbiy özgirishler we déngiz qirghiqi rayonliridiki bixeterlik mesililirini muzakire qilidu.

gherbiy afriqa döletliri iqtisadiy birleshmisi komitétining bashliqi ömer towray yighinning échilish murasimida söz qilip, yéqinqi bir yil ichide nigérda herbiy özgirish yüz bergenlikini, sérraléon we giwinéye-bissauda bolsa, herbiy özgirish qozghash urunushlirining yüz bergenlikini xatiriletti.

u herbiy özgirishlerning rayon bixeterlikige ziyan salghanliqini, gherbiy afriqa döletliri iqtisadiy birleshmisining herbiy özgirishlerge qetiylik bilen qarshi turushni dawamlashturuwatqanliqini tekitlep, oxshimighan jaylardin kelgen bésimlargha qarimastin nigérgha munasiwetlik chiqirilghan qarargha emel qilghanliqini qeyt qildi.

u mundaq dédi:

«nigérdiki wehimilik insaniy weziyetni bilimiz, shunga xelq üchün tibbiy we insanperwerlik yardemlirini yetküzüshke ruxset qilduq.»

nigériye pirézidénti we gherbiy afriqa döletliri iqtisadiy birleshmisining nöwetchi reisi bola ehmet birleshmining démokratik birleshme hökümetler, iqtisadiy kirizislar, kilimat özgirishi we yémek-ichmek bixeterliki qatarliq mesililerge duch kéliwatqanliqini bildürüp: «bügün bir yerge jem bolushimiz, rayonimizning tereqqiyati we ünümlük birlishishke tutqan qetiy meydanimizni körsitip béridu» dédi.