londonda pelestin üchün 9 - qétim keng kölemlik namayish ötküzüldi

türkiye awazi radyosi xewiri: engiliye merkez bankisi we pul-muamile organliri jaylashqan sheherning tarixiy merkizidiki banka rayonigha toplanghan namayishchilar, ghezzede menggülük urush toxtitishni telep qildi shundaqla birleshken döletler teshkilatii xewpsizlik kéngishide urush toxtitishni telep qilinghan qarar layihesining qobul qilinmighanliqigha naraziliq bildürüsh üchün parlamént binasigha yürüsh qildi.

nurghun ammiwi teshkilatlarning chaqiriqi bilen texminen 5 kilométirliq yolda pelestinge hemkarlishish we urush toxtitishqa chaqiriq qilish üchün 9 - qétim bir yerge jem bolghan namayishchilar, israiliyening ghezzege qaratqan hujumini toxtitishini, pelestinliklerge qiliniwatqan ayrimchiliq siyasitini axirlashturushini telep qilip, pelestinliklerge adalet telipini tekrarlidi.

namayishchilar engiliye hökümiti we siyasionlirining israiliyeni qollishini axirlashturushini we dunyaning herqaysi jaylirida élip bérilghan urush toxtitish chaqiriqigha qatnishishi kéreklikini telep  qilip, amérikaning b d t da wéto (ret qilish) hoquqini ishletkenlikige shundaqla engliyening biterep bélet tashlighanliqigha naraziliq bildürdi.

israiliyening ghezze rayonigha qilghan hujumlirida kem dégende 7 ming 112 kichik bala we 4 ming 885 ayalni qoshqanda, jemiy 17 ming 487 pelestinlik qaza qildi. xarabilik astida minglighan kishining jesiti barliqi bildürülmekte.