G7 rehberler yighini axirlashti
yaponiyening sahibxanliqida torda ötküzülgen G7 rehberler yighinida, ghezze we ukraina-rusiye urushi qatarliq dunya küntertipidiki mesililer muzakire qilindi.
türkiye awazi radiyosi xewiri: dunyadiki eng tereqqiy tapqan döletlerdin amérika, engliye, firansiye, kanada, gérmaniye, italiye we yaponiyedin teshkil tapqan G7 dölet guruhi rehberliri, ghezzede barghanséri yamanlishiwatqan insaniy kirizisqa hel qilish charesi tépishqa we puqralarning ülüm-yétimini eng töwen chekke chüshürüsh üchün jiddiy heriket pilanigha éhtiyajliq ikenliklirini bildürdi.
G7 ning 2023-yiliq nöwetchi reis döliti bolghan yaponiyening sahibxanliqida intérnét torida ötküzülgen rehberler yighinida, ghezze, ukraina-rusiye urushi qatarliq dunya küntertipidiki mesililer muzakire qilindi.
yighin axirida élan qilinghan xitabnamede, ottura sherqtiki kirizis heqqide «ghezzede barghanséri yamanlashqan insaniy kirizisqa hel qilish charesi tépishqa we puqralarning ülüm-yétimini eng töwen chekke chüshürüsh üchün jiddiy heriket pilanigha éhtiyajliqmiz» déyildi.
bu yardemlerning emelge éshishi üchün «téximu köp insanperwerlik nuqtisidin waqitliq urush toxtitish» ni qollashning teshwiq qilinghanliqi eskertilgen xitabnamede, hamasning «barliq esirlerni shertsiz we derhal qoyup bérishi» chaqiriq qilindi.
hamasning herbiy qaniti bolghan qassam birigadiliri 7-öktebir (2023) «eqsa topani» namliq keng kölemlik hujum bashlighanliqini élan qilghan idi.
isirailiye armiyesimu buninggha jawaben «tömür qilich herikiti» ni bashlighanliqini élan qilghan idi.
künséri keskinleshken toqunushlarda, 16 ming 200 din artuq pelestinlik jénidin ayrildi.
