amérika sudangha yéngi émbargo yürgüzüshni qarar qildi

türkiye awazi radiyosi xewiri: amérika maliye ministirliqining bayanatida, chet el mülkini kontrol qilish ishxanisining sudanning sabiq dölet ishliri ministiri taha osman ehmed elhuseyin, hökümetning sabiq yuqiri derijilik emeldari salih abdulla muhemmed salih we sabiq bash elchi muhemmed etta elmawla heqqide émbargo yürgüzüsh qarari alghanliqi bildürüldi.  

bayanatta, sudanning tinchliqi, bixeterliki we muqimliqigha buzghunchiliq qilghanliqi sewebi bilen mezkur kishilerge émbargo yürgüzülidighanliqi uqturuldi.

bu jazaning xelqara jemiyetning sudandiki toqunushni tügitish teshebbusini qollaydighanliqi hemde émbargolarning öz nöwitide yene, amérikaning sudanni puqrawi hökümet we démokratiyege ötküzüsh iradisini namayan qilidighanliqi bildürüldi.

maliye ministirliqining térrorluq we pul-muamile istixbarat ishliri meslihetchisi brayin nélson bu heqte toxtilip: «amérika toqunushni chongqurlashturush arqiliq sudan xelqini süyiistémal qilmaqchi bolghanlargha qarap turmaydu» dédi.