baydin hökümiti kongredin qoshumche xamchot telep qildi

türkiye awazi radiyosi xewiri: aqsaray we xamchot ishxanisining diréktori shalanda yang awam palatasi bilen kéngesh palatasigha ayrim-ayrim mektup ewetip, ukrainagha ewetiliwatqan yardemler üstide toxtaldi.

u mektubida: «ukrainani qollighidek pulimiz qalmidi» dédi we kongrening yardem üchün telep qilinghan xamchotni testiqlishini tekitlidi.

u amérikaning ukrainagha qoral-yaragh we bashqa yardemlerni ewetsh üchün ajratqan fondning mushu yil (2023) axirighiche tügeydighanliqini bildürüp, ukraina iqtisadining yimirilishining, «urushni dawamlashturalmaydighanliqi» ni bildüridighanliqini qeyt qildi.

baydin hökümiti öktebir (2023) de ukraina we isirailiyege yardem qilishni merkez qilghan halda amérika-méksika chégrasidiki bixeterlik tedbirlirini kücheytish üchün 105 milyard dollar qoshumche xamchot telep qilghan idi.

rusiye pirézidénti wladimir putinning 24-féwral (2022) ukrainani ishghal qilish buyruqini chüshürüshi bilen, ukraina-rusiye urushi partlighan idi.

putin kyéwning natogha eza bolushining aldini élish we rusiyening tesiri astida tutup turush üchün, ukrainani herbiysizleshtürüsh hemde natsistlardin tazilashni meqset qilghanliqlirini bildürgen idi.