stolténbérg kélishim mudditini uzartishni chaqiriq qildi

türkiye awazi radiyosi xewiri: nato bash katipi stolténbérg 28-29-noyabir biryusséldiki nato merkizide ötküzülidighan nato tashqi ishlar ministirliri yighindin ilgiri muxbirlarning soallirigha jawab berdi.

u hamas bilen isirailiye otturisidiki kélishimning esirlerning qoyup bérilishini we insanperwerlik yardemlirining yetküzülishini kapaletke ige qilghanliqini bildürüp: «urush toxtitish mudditini uzartishni chaqiriq qilimen. bu ghezze xelqi éhtiyajliq bolghan yardemlerning yetküzülishini we téximu köp esirlerning qoyup bérilishini kapaletke ige qilidu» dédi.

u nato ittipaqdashlirining iraq bilen süriyege oxshash döletlerde herbiy mewjutluqi üstide toxtilip: «iraq bilen süriyediki amérika herbiy bazilirigha uchqular we rakétalar bilen hujum qilinghanliqini, soda paraxotlirighimu hujum qilinghanliqini körduq. bu ehwallar jiddiychilikni ulghaytish xetiri barliqini tekitleydu. iran özliri üchün heriket qilidighanlarni yaxshi kontrol qilishi kérek» dédi.

hamasning herbiy qaniti qassam birigadiliri 7 - öktebir (2023) de israiliyege qarshi «eqsa topani» namliq keng kölemlik hujum qozghighan we yüzligen israiliyelikni görüge élip tütüp ketken idi.

israiliye qisimliri buninggha qarshi urush ayropilanliri bilen ghezze rayonigha qarita «tömür qilich herikiti» ni bashlighanliqini élan qilghan idi.

künséri keskinleshken toqunushlarda, her ikki tereptin minglarche kishi jénidin ayrildi.