pakistanda térrorizmgha qarshi küresh herikiti dawamida sekkiz qoralliq unsur ujuqturuldi
pakistanning xeyber paxtonxwa wilayitide dölet xewpsizlik küchliri bilen hökümetke qarshi qoralliq küchler otturisida yüz bergen toqunushta sekkiz qoralliq unsur bir terep qilindi.
türkiye awazi radiyosi xewiri: pakistan armiyesining bayanatigha qarighanda, dölet xewpsizlik küchliri xeyber paxtonxwa wilayitining jenubi weziristan rayonida hökümetke qarshi qoralliq küchlerge qarshi herbiy heriket élip barghan.
herbiy heriket dawamida sekkiz qoralliq unsur bir terep qilinghan, nurghun qoral-yaragh we oq-dorilar qolgha chüshürülgen.
emma, pakistan armiyesi qoralliq unsurlarning qaysi teshkilatqa eza ikenliki toghrisida melumat bermigen.
bu yil (2023) pakistanda, bolupmu xeyber paxtonxwa we béluchistan ölkiliride térrorluq hujumliri köpiyip ketken.
igilinishiche, islamabad bu hujumlarning afghanistanda turushluq pakistan talibanliri teripidin pilanlinip élip bériliwatqanliqini ilgiri sürmekte. afghanistan bolsa, bu eyibleshlerni ret qilmaqta.
