hamas qoyup bérilgen esirlerning körünüshlirini élan qildi

türkiye awazi radiyosi xewiri: pelestin qarshiliq körsitish herikiti hamas bilen israiliye otturisida ülüshkün (24- noyabir) tunji esir almashturush ishqa ashqan idi.

13 neper israiliyelik esir misir chégrasidiki rafah chégra éghizi mesullirigha tapshurup bérilgen  we 39 neper pelestinlik esirmu qoyup bérilgen idi.

hamasning herbiy qaniti izzidindin elqassam birigadisi esirlerning tapshurup bérilgen chaghdiki körünüshlirini élan qildi.

israiliye bilen hamas otturisida toqunushni 4 kün insanperwerlik toxtitip turushqa dair kélishim 24-noyabir jüme küni shu yerning waqti etigen saet 07:00 de küchke ige bolghan idi.

kélishimge asasen hamas 50 israiliyelik esir bedilige israiliye türmiliridiki 150 pelestinlik qoyup bérilidighan bolghan idi.

qoyup bérilidighan esirler her ikki terepte oxshashla ayallar we kichik balilardin terkip tapqan idi.