israiliyening ghezzege qaratqan hujumlirida qaza qilghan zhurnalistlar sani 66 ge yetti
israiliyening 7 – öktebirdin buyan dawam qiliwatqan ghezzediki hujumlirida 66 muxbir hayatidin ayrildi.
türkiye awazi radiyosi xewiri: pelestinlik zhurnalistlar uyushmisi ijtimaiy taratqudiki adrésida bayanat élan qilip, israiliyening muhasirisi astidiki ghezzege qaratqan hujumlirida qaza qilghan zhurnalistlar heqqide melumat berdi؛ israiliyening hujumlirida 66 zhurnalistning qaza qilghanliqigha isharet qilinghan bayanatta, ikki muxbirning yoqap ketkenliki, 31 muxbirning israiliye türmiliride tutup turuluwatqanliqi qeyt qilindi.
uyushma xelqara kishilik hoquq teshkilatlirini israiliyening zhurnalistlarning huquqlirini depsende qilish qilmishlirini yéqindin közitip turushqa chaqirdi.
pelestin xewer agéntliqi — wafaning 22 – noyabirdiki xewiride, israiliyening bombardimanlirida yene ikki muxbirning hayatidin ayrilghanliqi eskertilip, 7 – öktebirdin buyanqi hujumlarda hayatidin ayrilghan muxbirlar sanining 64 ke yetkenliki tekitlengenidi.
pelestin islamiy qarshiliq körsitish herikiti — hamasning herbiy qaniti bolghan qessam birigadasi 7-öktebir israiliyening <pelestinliklerning hoquqi we mesjidi eqsani öz ichige alghan muqeddes qimmetlerni izchil halda ayagh asti qiliwatqanliqi>gha naraziliq bildürüsh üchün, «eqsa topani» namliq keng kölemlik hujum qozghighanliqini jakarlighan. israiliye armiyesimu urush ayropilanlirini ishlitip ghezzeni bombardiman qilishni bashlighanidi.
israiliye terep 7 – öktebirdin buyan 310 din artuqi esker bolup, 1200 israiliyelikning ölgenlikini we 5132 kishining yarilanghanliqi uqturdi.
israiliye armiyesi bolsa, 7-öktebirdin buyan ghezzediki toqunushlarda 70, liwan chégrasida alte eskirining ölgenlikini bildürdi.
ghezzediki hökümetning sanliq melumatlirigha qarighanda, israiliyening 7-öktebirdin buyanqi hujumlirida, ghezzede 6150 din artuqi kichik bala we 4000 mingi ayal bolup, jemiy 14854 kishi hayatidin ayrildi.
