rusiye: kélishimning toluq ijra qilinishini ümid qilimiz
rusiye tashqi ishlar ministirliqining bayanatchisi mariya zaxarowa, israiliye bilen hamasning toqunushlarni waqitliq toxtitip turush kélishimining yolgha qoyulushini ümid qilidighanliqini bildürdi.
türkiye awazi radiyosi xewiri: mariya zaxarowa paytext moskwada ötküzülgen heptilik muxbirlarni kütüwélish yighinida, israiliye bilen hamas otturisida hasil qilinghan toqunushlarni insanperwerlik nuqtisidin waqitliq toxtitip turush toghrisida hasil qilinghan kélishim üstide toxtilip: «biz bu kélishimni qarshi alimiz. bu qedem ghezzelikler éhtiyajliq boluwatqan yémeklik, yéqilghu we dora bilen teminlesh miqdarini ashuridu» dédi.
kélishimning qatar bilen misirning hamas hökümiti bilen ötküzgen söhbetliri netijiside royapqa chiqqanliqini tilgha alghan zaxarowa, sözini dawamlashturup: «biz bu kélishimning herqaysi terepler teripidin qattiq ijra qilinishini, insanperwerlik mesililirini tézdin hel qilishqa munasiwetlik alaqining qoyuqlishishigha töhpe qoshushini we jiddiylikni peseytishtiki muhim bir qedem bolushini ümid qilimiz» dégenlerni qeyt qildi.
