qatar: kélishimning ijra qilinish waqti kelgüsi bir qanche saet ichide élan qilinidu
qatar ghezzediki toqunushlarni waqitliq toxtitish kélishimini ijra qilishni bashlash waqtining kelgüsi bir nechche saet ichide élan qilidighanliqini uqturdi.
türkiye awazi radiyosi xewiri: qatar tashqi ishlar ministirliqi bayanatchisi mejid elensari qatar resmiy xewer agéntliqi _ QNA gha bayanat bérip, qatar bilen misirning muresse qilishi netijiside, hamas bilen israiliye otturisida hasil qilinghan toqunushlarni waqitliq toxtitish kélishimining tepsilatliri toghrisidiki söhbetning ijabiy yönilishni boylap dawam qiliwatqanliqini éytti.
kélishimning yolgha qoyulush waqtining aldimizdiki saetlerde élan qilinidighanliqini bildürgen elensari, kélishimning tézdin küchke ige bolushi we tereplerning buninggha emel qilishigha kapaletlik qilish üchün, misir we amérika qoshma ishtatlirining tirishchanliqi sayisida xizmetlerning ishliniwatqanliqini qeyt qildi.
bu jeryanda, israiliye dölet bixeterlik kéngishi reisi tzachi xanégbi, hamas bilen bolghan toqunushni insaniy meqsette waqitliq toxtitip turush kélishimi dairisidiki esir almashturush xizmetlirini jüme künidin burun ijra qilghili bolmaydighanliqini eskertti.
u, esir almashturushning hasil qilinghan kélishimge asasen ijra qilinidighanliqini sözlirige ilawe qildi.
israiliye bilen hamas esir almashturush toghrisidimu kélishim hasil qilghanidi.
israiliye terep 50 israiliyelik esirning tapshurup bérilidighanliqini, hamas terep, buning bedilige 150 pelestinlik mehbusning qoyup bérilidighanliqini élan qilghanidi.
